Ika - 10 ng Disyembre, taong 2016,
alas nuebe ng umaga, nagkita-kita ang mga estudyante ng Humanities and Social
Sciences (HUMSS) sa CEFI para sa gagaanaping "Arts for Human Rights".
Maulan ang panahon, kaya ang ilan ay may dalang payong. Nag-ikot ang mga
estudyante sa likod ng Pacific Mall para hanapin ang paggaganapan ng programa.
Isang tent ang natagpuan na may
pangalan ni Don-Don Alcala, na may nakasabit na tarpaulin at nakasaad ang tema
ng gaganaping aktibidad " Di tayo kasya dito" ani ng isang
estudyante. Napagdesisyunan ng mga organizer na lumipat sa Activity Center ng
Pacific Mall para sa mas malawak na lugar. Humingi ang mga organizer ng tulong
sa mga estudyante para magbuhat ng kagamitan nila.
Alas diyes na ng umaga at medyo
hindi pa ayos ang lahat. Habang abala ang lahat ay nagsalita ang isang babae
"Para saan nga ba kung bakit tayo nandito? Nandito tayo para sa
pagdiriwang natin ng Human Rights Day" at sinabi nya ang mga mangyayari sa
maghapon.
Habang nag-aayos pa sila ay humingi
muna sila ng mga pampasiglang bilang mula sa mga estudyante. Ang una ay may nag
tula. Sina Oyie Lorico, Kyla Trisha Pitong, at Gwyneth Anne Cosejo, na kapwa
tumula. At kumanta ang ilan pa. " huwag tayong mahiya na ipakita ang ating
sarili o ipahayag ang ating saloobin dahil maswerte tayo, di gaya ng dati na
walang kalayaan" ani ng isang organizer.
Tanghali na at napagdesisyunan nila
na kumain muna ng tanghalian at pinababalik ang mga estudyante ng ala una ng
hapon. Para ipagpatuloy ang nasimulang programa.
Ala una na ng hapon at isa-isa nang
nagdadatingan ang mga tao. May nakahanda ng projector at white screen. May iba'-ibang
art work na ang nakadikit sa mga poste sa paligid. Nag papakuha ang ilan ng mga
litrato sa mga ito. May mga larawang nakahalik sa Pangulong Duterte sa pisngi
ng dating Pangulong Marcos.
Nag-play ng isang palabas ang
organizer tungkol sa buhay ng isang babaeng barbero. Habang nanunuod ang mga
estudyante, abala ang ilan sa pagpipintura sa telang puti ng pinturang pula.
Unti-unting umalis ang ilan sa mga estudyante. Nang matapos ang pinapanuod ay
hindi pa rin tapos sila sa pagpipinta pero may nabuo na ditong larawan ni
Pangulong Rodrigo Duterte na nakahalik naman sa pisngi ng dating Pangulong Marcos.
Matapos 'yun ay nagsalita si Mr.
Elvin Quizon, isang miyembro ng Anak ng Quezon na isang collaborative group
mula sa iba't-ibang sektor ng ating lipunan. Mula sa hanay ng kabataan,
propesyonal, artist, at iba't-ibang uri ng manggagawa sa gobyerno. Tinawag na
anak ng Quezon, literally, dahil nagbuhat partikular sa Lungsod ng Lucena. Ayon
sa kanya. Ani pa niya " It's part of our Bill of Rights as enshrined in
our 1987 Constitution. To enjoy it, we must be willing to protect our
rights."
"Tayo ay parte ng ating
lipunan, pati lipunan natin ay nangangailangan ng ating boses para tugunan
itong mga pangangailangan. Unang-una sa lahat ay itong pagdiriwang natin ng
Human Rights Day. Ito ay panawagan sa pagsulong ng karapatan ng bawat isa dahil
mula noon hanggang ngayon ay malala pa rin ang kalagayan ng karapatan, nandiyan
pa 'yung patriarchy at iba pa." Ayon kay Aaron Bonette.
Matapos ang maghapon ay kasabay
nito na natapos na din ang programa, at nagsiuwian na ang ilan. Ang iba naman
ay naiwan at nag rally para sa karapatang pantao.
